ORP Институт БНСУ-ын Хүний Нөөцийн Хэрэг Эрхлэх Газраас NCS буюу Ажил Мэргэжлийн Ур Чадварын Үндэсний Стандартад суурилсан сонгон шалгаруулалтын арга технологийг нийтэд түгээж ур чадварт чиглэсэн нийгмийг цогцлоон бүтээх үйлсэд бодитой хувь нэмэр оруулсан хэмээн Талархал хүлээн авлаа.
Хоёр дахь жилдээ хүртсэн энэхүү талархлыг бид цаашид байгууллагын хөгжил, хүний нөөцийн салбарт улам ихийг хийж бүтээх урам зориг дүүрэн хүлээн авч, сонгон шалгаруулалт, үнэлгээ, сургалт хөгжлийн зөвлөх үйлчилгээний шилдэг компани болохын төлөө улам бүр хичээн ажиллах болно.
Мөн дашрамд Монгол талын хамтран ажилладаг байгууллагуудаас бидний хөдөлмөрийг үнэлж ЭМХТ-ийн талархал, 20 жилийн ойн медалиар доктор И Ён Сог, Ю Хи Жэ нарыг шагнасан юм.
